Зенер диода е диода која овозможува струјата да тече во директна насока на ист начин како и идеална диода, но исто така овозможува течење на струјата во обратна насока доколку напонот е повисок од одреден напон познат како пробивен напон или "зенеров напон".
Зенер диодите најчесто се користат како напонски референци и шант регулатори за да го регулираат напонот во мали електронски кола. Кога е поврзана паралелно со извор на променлив напон, така што ќе биде обратно поларизирана, зенер диодата спроведува кога напонот ќе биде поголем од пробивниот напон на диодата. Од тој момент, ниската импеданса на диодата го одржува напонот на нејзините краеви на таа вредност.